Heer haa’f hög tips an halep saamelt, för de faal, dat at fraagen am a Auersaater jaft of ens wat ei so gud funtiuuniaret.
Wan dü fraagen of komentaaren heest, skriiw hal ens feedback@auersaater.de!
Hü fu ik a best auersaatingen hen?
De Auersaater as üüb sats-för-sats auersaatingen ütjlaanjen. Det bedüüdet ei, dat hi ei uk muar auersaat küd, man ji linger a satser wurd, amso ringer kön det auersaating wurt. Ferschük am besten, bluat een sats tu auersaaten.
Am besten funktiuuniaret det uk, wan ham genau üüb det skriiwwiis aachtet, also tu’n bispal of wat grat of letj skrewen wurt.
Ik kön neen tekst muar iindu.
Spiitigerwiis kön’f bluat so an so föl tiaken üüb ianmool ferwerke. Ferschük dan tekst ei tu lung tu hualen of muar satser tu enkelt satser tu aanrin.
Wat pasiaret mä min dooten?
Dön dooten, wat dü för’t auersaating iindeest, wurd normaalerwiis ei widjerden of uunluket. Jo wurd bluat för’t auersaating brükt – wan dü ei det Dootenspende of de Feedback Modus brükst. Muar diartu jaft at heer.
Kön a Auersaater faan min auersaatingen liar?
Naan. Det wiar eentelk gans natelk, oober wi wel ei, saner di tu fraagen, din dooten saamle. Diauer haa wi a Auersaater so baut, dat saner din tusteming niks saamelt an ferwerket wurt. Wan dü oober last heest, a Auersaater beeder tu maagin, do könst dü hal det Dootenspende of de Feedback Modus brük! Muar diartu jaft at heer.
A Auersaater hee wat ferkiard auersaat.
A Auersaater as noch uun en ääder wersiuun. At kön nooch wees, dat auersaatingen ferkiard san.
At kön uk wees, dat a Auersaater ei gud diarmä turocht komt, wan wat ei gans rocht skrewen as (tu’n bispal wan buksteewer ferbütjet san of det skriiwwiis ei so as üüs a Auersaater det ferwaachtet). Luke noch ens, of ales rocht skrewen as.
Wan dü teenkst, dat a Auersaater wat gans ferkiard auersaat hee, könst hal de Feedback Modus brük of di bi üs määlde: feedback@auersaater.de! Wi frööge üs auer feedback an saamle hal ferbeedringen, diarmä a Auersaater stak för stak imer beeder wurd kön.
Hü kön ik mi uunmäälde, am de Feedback Modus tu brüken?
De link am di uuntumääldin as onern üüb arke sidj. Of ianfach heer, wan dü al heer beest:
Ferlicht wääl dü uk ens din profil beluke, am tu auerpreewin, wat diar uun stäänt of am wat tu aktualisiarin? Tu min profil
Hü kön ik mi för de Feedback Modus registriare?
Üüb det sidj am de Feedback Modus könst dü di oner det kurt föörsteling faan de modus registriare.